| Вчера, 07:05 | |
Не хочешь слушать как люди врут, сам ври В.И.Даль Неправда - ложь Послания Ивана Грозного * * * Отвѣтъ государевъ Не хотѣлъ убо бых тебѣ слова подати, якоже преже рекох ти, понеже испытования ради испытуеши, а не вѣры ради, якоже учими есми Господемъ нашимъ Исусом Христомъ, еже «Не дадите святая псомъ, ни пометайте бисеръ вашихъ пред свиниями», сиирѣчь не давайте святаго слова псомъ невѣрнымъ и не вѣрующим Святому Писанию, божественаго слова пред ними не глаголати и божественных дохматъ не исповѣдати пред ними, яко сущимъ недостойным слышати о божественных словесѣх. Яко пси житие имуще, и своимъ лаяниемъ и злобою внутренняго человека поядающим и растерзающимъ, яко свиния в кале тимѣния валяющеся и въ сквернах пребывающе. И сего ради не подобает бисернаго слова пред ними просыпати, да не токмо слова попираютъ, но и самого учащаго растерзают. И в толико в бесчестие превосходят, яко преже учения чесо сотвориша, сия по учении горчайшая сотворяют. И бывает спасение глаголъ вина погибели. И паки тойже божественный апостолъ Павелъ, къ Титу пиша, глаголетъ: «Еретика человѣка по единемъ и по второмъ наказании отрицайся, вѣдый, яко совратися таковый и согрѣшаетъ, сей самоосужен». И сего ради убо хотѣхъ премолчати. И многих ради упражнения еже царскых правлений и еже нынѣ нѣсть удобно о толиких бѣсѣдований от Божественных Писаний указати истинну, понеже убо «мя постигнет повѣствующа лѣта». Сего ради мало изреку, да не возмниши мя яко не вѣдуща, яковый яд излиялъ еси, или возмнится вамъ, яко не вѣмъ отвѣщати и не могу противъ вашихъ составити слова, и не вѣдуще Писания, или вашей прелестной тмѣ повинувшеся и во унынии впадша, или сладостне ваше учение приемше, или нѣсть во истинных християнехъ, еже о тайне христианстей истинну вѣдѣти. Сего ради вашего сомнѣния вмале изреку вамъ.
Библиотека литературы Древней Руси / РАН. Ин-т рус. лит. (Пушкинский дом) ; под. ред. Д.С. Лихачева и др. - Санкт-Петербург : Наука, 1997-. / Т. 11: XVI век. - 2001. - 681, c.
| |
|
| |
| Просмотров: 2 | Загрузок: 0 | | |
| Всего комментариев: 0 | |